A compdar de deman e enquiath dimars 23 de seteme, seran dubèrtes es preinscripcions online entàs corsi d’aranés 2025-2026 deth Conselh Generau d’Aran, adaptadi as diferenti nivèus.
“Aguestes classes d’aranés representen un esturment fòrça important entà mantier viua era lengua, normalizar-la e apropar-la as persones nauvengudes o tad aqueres que volguen completar es sòns coneishements”, afirme era sindica d’Aran, Maria Vergés.
Es persones que volguen se poderàn inscríuer, mès rebrembam qu’es places son limitades e s’assignaràn per sorteg. Un còp hèta era preinscripcion, se receberà un corrèu electronic (entre es dies 23 de seteme e eth 29 de seteme) a on s’includirà eth numèro de compde bancari entà hèr eth pagament dera matricula. Es classes començaràn era setmana deth 13 d’octobre.
Es oraris, per nivèu, son aguesti:
Nivèu A1
Presenciau: Es deluns, de 18:00 a 20:00 ores.
On line: Es dimèrcles, de 18:00 a 20:00 ores.
Nivèu A2
Presenciau: Es deluns, de 19:00 a 21:00 ores.
Nivèu B1
Presenciau: Es deluns, de 19:00 a 21:00 ores.
On line: Es dimars, de 18:00 a 20:00 ores.
Nivèu B2
Presenciau: Es deluns, de 18:00 a 20:00 ores.
On line: Es dimars, de 19:00 a 21:00 ores
Nivèu C1
On line: Es dimars, de 18:00 a 20:00 ores.
Calerà acreditar auer eth certificat deth nivèu anterior.
Eth prètz generau dera matricula ei de 52 euros; entath personau dera administracion eth prètz ei de 26 euros, e gratuït entàs estudiants empadronadi en Aran e tàs persones en situacion de caumatge o jubilades. Entà totes es tarifes redusides calerà aportar un justificant.
Es examens se haràn, en prumèra convocatòria, en Vielha e Barcelona, enes mesi de mai e junh de 2026, e en dusau convocatòria, en Vielha, en seteme de 2026. Es preinscripcions se pòden hèr en: https://aranes.conselharan.org.
