Era sindica d’Aran, Maria Vergés, a recebut aguest maitin as alumnes de 2au de Bachelierat der Institut d’Aran guanhadors des prèmis as TDR en aranés qu’eth govèrn deth Conselh Generau d’Aran les concedic eth passat diuendres laguens der acte de graduacion. Aguesti prèmis an era finalitat de reconéisher era dedicacion des estudiants en emplec dera nòsta lengua a nivèu academic.
En totau son 10 trabalhs, dus mès qu’en cors passat, que contribuiràn ara difusion e dignificacion dera nòsta lengua:
Berta Feixas: Pi, açò ac pòs minjar!
Maria Bujeda e Anna Jaquet: Productes Naturaus, uns panasòs
Antonio Figueruelo e Geiss Montilla: Estacionaran: eth parcatge rurau d’Aran
Aitana Batalla: Qué mos quede des maquis? Se’n bremben es aranesi?
Ares Palacin: Un vertricle diferent: era ipertròfia ventriculara quèrra
Ona Delseny: Deth plat ath cervèth: Un viatge neurogastronomic
Vega Carrera e Jordi Cortés: Viuer en mon deth Trail running
Jana Batalla: Aran ei espòrt
Gala García: Lums e ombres dera escòla aranesa. 40 ans de luta
Carla Palacios: Adiccions as pantalhes. Situacion actuau e generau
Era sindica d’Aran, Maria Vergés, a arregraït eth trabalh desvolopat per aguesti estudiants, que damb aguesti Trabalhs de Recerca contribusissen ara difusion e dignificacion der aranés.
Aguesti TDR les poiratz consultar ena web der aranés: https://aranes.conselharan.org/
