Nauta afluéncia de public en cicle de concèrts enes glèises romaniques, laguens deth programa creat peth Conselh Generau d’Aran, a trauès deth sòn Departament de Promocion Economica e Comèrç, tàs diuendres d’aguest mes d’agost.
Aguest programa, qu’a includit composicions de diuèrsi estils musicaus, a compdat damb es interpretacions deth trio de votz e còrda, Pensaments i Sonoritats, en Betren; eth duet de guitarra, Dos Guitar Duo, en Vilamòs; eth Quartet Prysma, damb era soprano Iolanda Dolcet, en Tredòs e Swing de Comarques Eduard Gener, que barraue eth cicle d’enguan, en Bossòst.
Entara sindica d’Aran, Maria Vergés: “Damb aguest projècte musicau e culturau mostram as visitaires e ara gent deth país eth nòste patrimòni ath delà de prepausar estils musicaus diferenti en un entorn unic”, e a hijut: “eth bon resultat artenhut en aguesta edicion mos servís entà continuar en aguesta linha de trabalh entà futures edicions”.
