Aué an començat es pròves oficiaus entara obtencion des certificats d’aranés/occitan deth Departament de Cultura e Lengua deth Conselh Generau d’Aran corresponentes ara convocatòria de seteme deth cors 2025-2026. Era jornada inaugurau a començat damb es pròves escrites e oraus des nivèus A1 e A2 ena sedença deth Govèrn d’Aran, en Vielha, de manèra presenciau.
Ath long d’aguesta segona convocatòria, que se hè entre er 1 e eth 4 de seteme de 2026, se haràn es examens des nivèus A1, A2, B1, B2 e C1. Cau remercar qu’es pròves escrites e oraus se hèn de manèra presenciau ena sedença deth govèrn aranés.
Eth Conselh Generau d’Aran a metut en valor “er increment der interès pera formacion e es certificacions d’aranés, ja qu’en aguesta segona convocatòria i a ua quarantea de candidats que s’examinen”.
Tota era informacion sus es certificats se poiràn consultar ena web oficiau: aranes.conselharan.org
