Aguesta naua edicion deth Catalunya Rural Hub supause era continuacion deth projècte iniciat ara hè tres ans peth Govern de Catalunya, a trauès dera Secretaria de Politiques Digitaus, e Mobile World Capital Barcelona, que consistís en atrèir professionaus der encastre digitau tàs zònes ruraus damb er objectiu d’afavorir er arraïtzament deth talent, combàter eth despoblament e dinamizar era economia d’aguesti territòris. Eth Conselh, mejançant eth hub d’innovacion HèPIC, pren eth relèu d’aguesta iniciativa entà promòir eth teishut productiu e comerciau dera naua economia digitau enes territòris de montanha. Segons era sindica d’Aran, Maria Vergés, “era intencion d’aguest projècte ei convertir era tecnologia en un estrument entà melhorar era igualtat d’oportunitats. Ei un cas practic entà demostrar que se pòt víuer en un entorn rurau en tot desvolopar ua activitat professionau tecnologica. Eth trabalh en remòt a hèt possible aguesta naua tipologia de trabalh”.
Sessió: No iniciada
