Agents de Miei Ambient deth Conselh Generau d’Aran an constatat era mòrt de sies caps de bestiar que se trapauen laguens d’un barratge per un nau atac d’os.
Es Agents trabalhen ara sus eth terrenh tà remassar mòstres que poguen facilitar era deteccion der animau.
En aguesti darrèri ans es atacs a bestiar ovin e crabun passen ena primauèra abantes der agrupament des ramats en tot amendrir ena sason d’ostiu quan es animaus se trapen en nauta montanha.
Enes pròplèus dies s’enviaràn a analizar es mòstres recuelhudes ara Universitat Autonoma de Barcelona, a on se sajarà d’identificar ar exemplar responsable d’aguest atac.
